ما درينا انك بالحيل غالي
الا بعد ما جات فرقاك
اثر مكانك في القلب عالي
مايسكنه الا مثلك وشرواك
ياما اجتمعنا ايام وليالي
وكم بيميني صافحت يمناك
وياما حكيت لك باللي جرالي
وياما سمعت ماقالت اشفاك
ومافيه مرة جاء في بالي
اني ادور عليك ما القاك
يالله يامرسي الجبالي
ومخرج الورد من بين الاشواك
ومبدل الحال من حال لحالي
ارحم اخوي وسكنه في رضاك
وصلي وسلم على اعز غالي
محمد منذر من في قلبه شراك
