يضيق صدري لطراء البال طاريك

يضيق صدري لطراء البال طاريك 

وقول ليه ما غير طاريك طاري 

يالي تسمعني ملهوف اناديك 

اسرع بردك وانهي انتظاري

لو كان عندي شخص يساويك 

ما كان طارك كل لحظة طرالي 

عشان صارحتك زدتي تغليك 

ورحتي وشفتي اللي جرالي 

عرفتي اني ماني بناسيك 

زدتي التغلي وقطعتي الوصالي 

ومع هذا بقضي العمر اناديك 

وقول روحي حني وتعالي

خطوة خطوة

خطوة خطوة لا تعجل في المسير 

مهما تاخرنا المكتوب نلقاه 

وان حصل شي قول عسى خير 

وحمد اللي قدر الامر وسواه 

وسامح اللي حصل منه تقصير 

بكرة يحصل عند الله جزاه 

وبعد عن رفيق السوء وطير 

وش تبي بالي ربي بلاه 

اللي خله ما وفاء

اللي خله ما وفاء

بالعهد الله يعينه 

يتناسى ما مضى 

ويكتم اشواقه وحنينه 

اة من خل جفاء 

والمواصل في يدينه 

ما كفاني واكتفاء 

وختفاء من قبل حينه

ابوي قال الشيب فيه

ابوي قال الشيب فيه 

ما طلعه غير كتم الاسرار

وانت يجيك شيب زيه

لاشفت امر فيه تحار 

وان شفت حية من بطن حية 

وش اترجاء من حية اخبار 

تقول حية جابت هدية 

للي حرقها امس بالنار 

فتح تراء العقل ما فيه زيه 

نعمة من الله تفتيح الافكار

الحب موجود فينا ونخفيه

الحب موجود فينا ونخفيه 

ليه نخفي الحب مدري 

يمكن عشان غالي نداريه 

وكل منا عليه حذري 

اظهرت حبك عشان تشريه 

معد يقدر يتحمله صدري 

وان كان حبي عندك يساويه 

بقول ياقلب منك عذري 

حب زرعته انت تجنيه 

لا تقول تالي الوقت مدري

ان كان حب انعرف وش تاليه 

ازهار وخضار وانهار تجري 

وان كان شوك مالي رغبة فيه 

خلك من اول الوقت تدري

من لي غيرك

من لي غيرك احقق امانيه

وتهون لو انها متعبتني 

وكل ما املك في الكون اعطيه 

يوم روحة بالحب جتني 

وريحت قلبي من شكاويه

وبعد طول العناء ريحتني 

واللي بقلبي قبل محكيه 

تكون هي به علمتني 

هذا حبيبي وبعض مافيه 

من اوصاف جميلة املكتني

ومهما قلت ما اقدر اوفيه 

يكفي مايوم مر سقتني

اشتق لك

أشتقت لك بالحيل يامنور الليل 

ياعسى تكون انت حلالي 

الروح ياروحي ما بها حيل 

تصبر على بعدك لوهو ليالي 

الويل في بعدك وفي قربك الويل 

وحترت بامرك صدق ولا محالي 

ان كنت حبيت حبيتك حيل 

وما يضر الحب قل الوصالي

وان غبت لا ترسل عليه مراسيل 

تاكد انك ما تفارق خيالي 

ومالك ومال الهرج والقال والقيل 

والناس لا تفتح لهم مجالي 

اذكر لصبحت ولقبل الليل 

وقول ليتك يا حبيبي قبالي

الدموع

الدموع اللي تساقط من عيونك

حاجز بيني وبين الرحيل

كل ما ودعت تسحبني يدينك

يم جسمك ونحني يمك وميل

ومسح دموعك وصافح يدينك

وحاول اخفي دمعة مني تسيل

يقول اذكر في الغربة ضنينك

مهما طالت ما اتخذ غيرك خليل

قلت الله يسعدك في باقي سنينك

ويهون الجرح على قلبي العليل

لا تحسب خالق الكون سالي

لا تحسب خالق الكون سالي 

ولا تحسب الدنيا بتبع رضاك 

ودوام الحال من المحالي 

ما دايم الا اللي سواني وسواك 

وعد ما هل القمر في الليالي 

وعد النجم في كل الافلاك 

اصلي وسلم على اعز غالي 

محمد منذر من في قلبه شراك 

ومبشر اللي يقوم الليالي 

يطلبك ربي رحمتك ورضاك

انت الشمس

انت الشمس وانت الظل 

وانت الجيم والسيني 

وانت من في قلبي حل 

بعد ما شافته عيني 

ولا يطري عليك امل 

لو تبخل ما تعطيني 

راح تكون انت الخل 

لو بالنار تكويني 

تمتع في عذابي وخل 

الدمعة على عيني 

روح ابعد ولا تسال 

وبنار الهجر اكويني 

انت منك ما يحصل 

اذا يرضيك يرضيني

كل مادق قلبي

كل مادق قلبي قلت له الحذر 

ماكل خل يرحم اللي هواه 

وما غير المحبة في الدنيا خطر

ان صابت القلب اطلب الله النجاة 

ثواني المحب في المفارق شهر 

والليالي ثواني كان خله معاه 

قال قلبي المحبة قدر 

والقدر من اللي قبلي عصاه

رحلة الترحال +

انت من يطري عليه لو بعاده طال 

وان غبت قلت لدمعتي هلي 

نعم عندك وقفت وانتهت رحلة الترحال 

وقلتلك ترى عندك باقي العمر باظلي

مدري ليه حسبتيني بحبي عليك احتال 

مدري ليه سؤ الظن تمكن منك ياكلي 

جيت وقلت احبك ما ارسلتلك مرسال 

ما يقدر احد يوصف ما منك يحصلي 

وانتهت رحلتي عندك وبديتي الترحال 

ولا فكرتي في قلب من سبايبك معتلي