طيع ربك

لو كان كثر المآل عز الرجاجيل 

طالع التاريخ ونظر في حالك 

ولو كان قله ذل الرجاجيل 

ما جمعها غيرك واجبها لك 

الخوف من يوما كله تهاويل 

لا ينفعك جاهك ولا كثر مالك 

طيع ربك وقوم له تالي الليل 

ترى في طاعة الرحمن يرتاح بالك 

وبعد عن أهل القال في الناس والقيل 

ومسك لسانك رفق بحالك 

الجلسة مع شيخ و دلة الهيل 

خير من جوال يودي المهالك 

انتهى جيل المجالس وتبدأ جيل 

جالس مع غيرك وهو قبالك  

نبقاء في فرح

 جينا نبارك من بعيد المسافات 

ولولا الغلى ما كان جينا 

نطلب من الله قاضي الحاجات 

نبقاء بسعادة  ما حيينا 

ويبقاء الفرح من دون دمعات 

ولا زعل يثر علينا 

نيارك لكم في اجمل الساعات 

ياللي بهناكم اهتنينا 

العمر روح

العمر روح  كنه مر ساعات 

في زايلة عند الله خبرها 

من عاش فيها قالوا الناس قد مات 

و من مات ماله إلا قبرها 

ياحظ من إدى لله الصلاوات

 وما اشغله في دنيته شي عنها 

الخير له ناس إن مر مافات 

والشر له ناس كأنه اسرها 

وانت يا ساحرنا ببسمات 

ونظرة ما نعصا أمرها 

اشتقتلك والعين عيت تبات 

والقلب معها  ساهر من سهرها 

ياويل حالي سبت الحب لحظات 

انتهت وباقي كدرها

افعل الخير

 افعل الخير لا تدور من الناس  شي 

ووصل من قطع من الارحام وصله 

وتصدق دامك اليوم حي 

ترى ما بعد الموت مهلة 

واحمد الله على كل شي 

وخلك راضي بامره 

الدنيا ما تسوى ياصاحبي شي 

ولك في باقي الناس عبرة 

ما غير الله يمنعي ويعطي 

وخير ما في الكون ذكره 

نطرد الدنيا

نطرد الدنيا  وما بيبقاء منها شي 

زايلة وهذي الحقيقة 

صرنا نشوف المال كل شي 

ونجمعه باية طريقة 

العيب روح ما بقاء منه شوي 

والحياء ان راح وش يجيبه 

والليالي المظلمة مالها ضي 

الا النفوس الذاكرة المستقيمة 

من مات وذكره باقي حي 

من  اهل القلوب الطيبة السليمة 

العمر محسوب والايام تجري 

والصدق منجاه والكذب خيبة 

واللي داري ان الله يدري 

ما تحصل منه غير كل طيبة 

احذر من ناس

الكل قلبه من الحب متعب 

الا حبيب لقاء اللي يموت فيه 

احذر من ناس تسرق وتنهب 

ماهمها المال من وين تجنيه 

وخلك حذر لا تجرب مجرب 

خسر قبلك من  وقع فيه 

والشر لا شرق عنه غرب 

وحذر منه ولا تماشيه 

وفعل الخير ومنه قرب 

واللي فعلته بكره تلاقيه 

ماغير جنة الخلد  مطلب 

وما غير الله الرجاء فيه 

يابوي

يابوي لا مر الوقت ماجيتك 

اتحرا بلهفة لحظة لقاك 

وسلم على راسك لا جيت بيتك 

وعلى خشمك وخدك و يمناك 

يالي قبل الحب حبيتك 

وعرفت الدمعة من فرقاك 

يا من اذا رحت تحريتك 

وان جيت اقضي وقتي معاك 

اعطيتني ولو اني عطيتك 

العمر لايذكر  مع عطاك