افعل الخير

 افعل الخير لا تدور من الناس  شي 

ووصل من قطع من الارحام وصله 

وتصدق دامك اليوم حي 

ترى ما بعد الموت مهلة 

واحمد الله على كل شي 

وخلك راضي بامره 

الدنيا ما تسوى ياصاحبي شي 

ولك في باقي الناس عبرة 

ما غير الله يمنعي ويعطي 

وخير ما في الكون ذكره 

نطرد الدنيا

نطرد الدنيا  وما بيبقاء منها شي 

زايلة وهذي الحقيقة 

صرنا نشوف المال كل شي 

ونجمعه باية طريقة 

العيب روح ما بقاء منه شوي 

والحياء ان راح وش يجيبه 

والليالي المظلمة مالها ضي 

الا النفوس الذاكرة المستقيمة 

من مات وذكره باقي حي 

من  اهل القلوب الطيبة السليمة 

العمر محسوب والايام تجري 

والصدق منجاه والكذب خيبة 

واللي داري ان الله يدري 

ما تحصل منه غير كل طيبة 

احذر من ناس

الكل قلبه من الحب متعب 

الا حبيب لقاء اللي يموت فيه 

احذر من ناس تسرق وتنهب 

ماهمها المال من وين تجنيه 

وخلك حذر لا تجرب مجرب 

خسر قبلك من  وقع فيه 

والشر لا شرق عنه غرب 

وحذر منه ولا تماشيه 

وفعل الخير ومنه قرب 

واللي فعلته بكره تلاقيه 

ماغير جنة الخلد  مطلب 

وما غير الله الرجاء فيه 

يابوي

يابوي لا مر الوقت ماجيتك 

اتحرا بلهفة لحظة لقاك 

وسلم على راسك لا جيت بيتك 

وعلى خشمك وخدك و يمناك 

يالي قبل الحب حبيتك 

وعرفت الدمعة من فرقاك 

يا من اذا رحت تحريتك 

وان جيت اقضي وقتي معاك 

اعطيتني ولو اني عطيتك 

العمر لايذكر  مع عطاك 

بسمات

ان شلت هم الناس اتعيش في هم 

مافيه يوم من الهم ترتاح 

وان شلت في قلبك تعيش في غم 

حتى ابتسامتك اتعود جراح 

خلك مع أهل السلم تسلم 

تلقا حياتك بسمات وفراح 

الهدى

ان كان تبغى الرزق الله يرزقنا 

الله الرازق والإنسان مرزوق 

والله ان بعض الكلمات توجعنا 

مثل ما توجع الآلام محروق 

عسى الله في جنات الخلد يجمعنا 

ونسلم من كل حاسد و محسود 

لو تركنا نور الله ضعنا 

والهدى لو انا انتوب ونعود

هذا وطنا حماه الله ثم الملوك

هذا وطنا حماه الله ثم الملوك 

اللي بين الاوطان ارفعوا شأنه

الله يحفظك يا محمد انت وابوك 

اللي لوجه الله ثبت أركانه

يا ولي العهد يا أبن  الملوك 

يا سيف سلمان واخوانه

يا مأخذ صفاة جدك وبوك 

الله يعينك ويعين أعوانه

ابايعك ياسيدي مثل مابيعوك 

الناس  على السمع والطاعة